Сабыржан Тілебалды,
29 жас

Ұлттық электр желілерін технологиялық қосу департаментінің менеджері, KEGOC

Мектеп кезінен физика мен математикаға ерекше қызығушылығым болды.

Сол себепті болашақта кез-келген салаға қажет болатын энергетиканы таңдадым. Өйткені жарық пен энергиясыз өндіріс те, тұрмыс та алға баспайды.

С. Сейфуллин атындағы Қазақ агротехникалық университетінде бакалавриат пен магистратураны тәмамдадым.

Неге энергетика?

Алғашқы қадамдар

KEGOC-тағы еңбек жолымды 4-разрядты электрослесарь ретінде бастадым.

Кейін кезекші электромонтер, одан соң қосалқы станция шебері болдым.

Бірнеше жылда тәжірибе жинап, орталық аппаратқа дейін көтерілдім.

Қазір департаментте жаңа зауыттар мен фабрикалардың электр желісіне қосылуын қадағалаймын.

электриктен бөлім меңгерушісіне дейін

Әріптестерімнің қолдауы ерекше рөл атқарды. Өндірісте маған бағыт-бағдар берген тәлімгерлер қатарында — Минзятов Жанібек Жаналиұлы, Сергеев Сергей Антонович, Әбішев Берік Ақаталаевич, Нұрғалиев Бауыржан Дүйсенбекұлы бар.

Ал қазіргі орталық аппаратта тәжірибелі мамандар — Жылқайдаров Мүслім Мұратпекұлы, Сүйіндіков Сәбит Ғафуржанұлы және өзге де әріптестерім тәлімгер ретінде қолдау көрсетіп келеді.

Жол көрсеткен кімдер?

Алдымен тәжірибеңді шыңдайсың. Теория бір бөлек, ал шынайы өндірістегі жұмыс мүлде басқа.

Жұмысшылардың күнделікті жағдайын өз көзіңмен көру – кейінгі шешім қабылдауда таптырмас тәжірибе.

Теория бір бөлек, ал шынайы өндірістегі жұмыс мүлде басқа

Өндірістен түйген сабақ

Жастарға ашық сала

тұрақтылық пен тәжірибе

қызметкерлерге жоғары сұраныс

төзімділік пен жауапкершілік

Энергетика – жастар үшін үлкен мүмкіндік.

Біріншіден, бұл тұрақты жұмыс пен кәсіби тәжірибе.

Екіншіден, білікті мамандар тапшы, сондықтан сұраныс жоғары.

Үшіншіден, бұл сала адамды шыңдайды: төзімділік, жауапкершілік пен ұқыптылықты қалыптастырады.

Жасанды интеллект болашақта сіздердің орындарыңызды баса ма?

Менің ойымша, жоқ. ЖИ бізді алмастырмайды, керісінше қалыпты процестерді автоматтандырып, жұмыстың тиімділігін арттырады.

Бірақ адами фактор – жауапкершілік, шешім қабылдау, тәжірибе – әрқашан маңызды болып қала береді.

Сонымен бірге жаңа технологиялар жаңа мамандықтар мен бағыттарға жол ашады.

KEGOC шетелдік компаниялармен серіктесе отырып, Қытай мен Батыстың озық тәжірибесін зерделейді және ұлттық энергожүйенің тиімділігі мен сенімділігін арттыратын заманауи технологияларды енгізуге талпынады.

Халықаралық байланыстар

Дәстүр мен ұжымдық рух

Энергетиктер күні – 22 желтоқсанда ерекше атап өтіледі.

Бұл – жылдың ең ұзақ түні. Ал біз – жарық сыйлайтын мамандық иелеріміз. Сондықтан бұл күннің символдық мәні зор.

Сонымен қатар компания құрылған күнді де атап өтеміз. Бұл күні түрлі спорттық әрі мәдени шаралар ұйымдастырылады.

Болашақ –
өз қолыңда

“

KEGOC-тағы жұмысым көңілімнен шығады. Ұжымдағы атмосфера мен даму мүмкіндіктері мен үшін құнды. Сондықтан болашағымды осы компаниямен байланыстырамын.

Сабыржан Тілебалды, Ұлттық электр желілерін технологиялық қосу департаментінің менеджері

Әзірлеуші abi-nur.com