Александр Ольтовпен сұхбат,
27 жас

Ферроқорытпа балқытушысы, №2 балқыту цехы, ERG

Менде әзірге толық профильді білім жоқ — металлург мамандығына енді ғана оқып жүрмін. Бір кезде ата-анамды оқу ақысымен қинамайын деп шештім: өзім жұмыс істеп, өзім оқығым келді.

Әскерде болдым — елдің алғашқы президентін күзетуде қызмет еттім. Айтпақшы, ол кісі де металлург қой — сәйкестік пе? Қызметтен кейін контракт ұсынды, бірақ мен еркін өмірді таңдадым. Біраз уақыт волейболдан жоғары лигада ойнадым, содан кейін жұмыс іздей бастадым.

Әрқашан жанымнан өтіп жүрген Ақтөбе ферроқорытпа зауыты көз алдымда тұрды. Балалықтан-ақ «ішінде не бар екен?» деп ойлайтынмын. Достарым сол жерде жұмыс істейтін, ФОК-та бірге ойнайтынбыз. Олар: «Кел, бізде спортшыларды жақсы қарсы алады», – деді. Сөйтіп, дайын өнім цехына, отгрузка бөліміне келдім. Ол кезде жасым 23-те еді. Алғашқы жарты жыл қиын болды — тіпті кетемін деп ойладым. Бірақ өзіме: «Төз, мұнда өсуге болады» дедім. Және қателеспедім: кейін жігіттер металлургияға шақырды, бастық та қолдады. Әзілдейтін: «Волейболдан бірінші орын алсаң — аламын». Біз жеңдік, мені балқыту цехына ауыстырды. Қазір сонда жұмыс істеймін.

Жұмысқа келгенде көпшілігі мені волейболдан білетін. Жылы қабылдады: тіпті зауыттың бір шетінен екінші шетіне жеткізу үшін көлік бөлді. Бастық өзі қарсы алды.

Алғашқы ауысымда шебер таныстырып, тәлімгер бекітті. Үш ай бойы соның қасында жүрдім: қайда тұру керек, кранмен қалай жұмыс істеу керек — бәрін көрсетті. Қорқыныш тез өтті, өйткені ұжым өте тату екен.

Бірінші ауысым ыстық болды, тіпті жағдайым нашарлап кетті. Бірақ әлі есімде: шаршап пеш жанында тазалап жүргенімде, жиырма шақты адам түсіп көмектесті. Сол кезде түсіндім: мұнда мен жалғыз қалмаймын.

Мен мұнда жалғыз болмаймын.

Достық ұжым

Бізді жылы қарсы алды

Цехтағы алғашқы қадамдар

Зауыт және жастар

зейнеткерлерге көмек

Зауытта волейбол құрамасы бар — спортты жалғастырдым. Қысқа уақытта Жастар кеңесіне (Jastar Ligasy) кірдім, екі жылдан кейін оның жетекшісі болдым.

Jastar Ligasy — белсенді өмір: акциялар, зейнеткерлерге көмек, түрлі іс-шаралар. Осы жұмыстың арқасында кәсіподақ мені Түркияда өткен Әлемдік жұмысшы жастар жиынына Қазақстан атынан қатысуға ұсынды. Бұл мен үшін үлкен мақтаныш әрі күтпеген қуаныш болды.

қор

Жұмысшы жастардың дүниежүзілік конгресі

Jastar Ligasy

Менің тәлімгерім бір кезде зауыттың бағдарламасы арқылы пәтер алғанын айтқан еді. Сол сәтте ойладым: «Бәлкім, мен де ала аламын?»

Өткен жылы «Отбасы банкпен» бірлескен корпоративтік бағдарлама іске қосылды. Үш-ақ жыл жұмыс істесем де, құжат тапсырып көрдім. Барлық тексерістен өтіп, пәтер алдым.

Басшылық басты себеп — менің еңбекқорлығым мен белсенділігім деді. Маған бастықтар да, директор да қолдау көрсетті. Жалпы, бұл бағдарлама бойынша шамамен 60 жас қызметкер пәтер алды.

Директор сол кезде бізге: «Зауыт — тек жұмыс емес. Сіздерде алға қозғалыс болуы керек» деген еді. Бұл сөз әлі күнге дейін мотивация береді.

26 жасымда пәтер

Менің де қолымнан келсе ше?

Зауыт тек жұмыс емес. Сізде алға қозғалыс болуы керек

60 жас қызметкер

Бір жыл жұмыс істеген соң демалысқа шықтым. Ең бастысы — ешкім қоңырау шалып, «ауысымға шық» деп мазаламады. Демалысым толыққанды өтті, бәрі ереже бойынша. Бұл да қауіпсіздіктің маңызды бөлігі.

Алғашқы демалыс

толық демалыс

Цехқа алғаш кіргенде кран басқарған әйелді көрдім. Күшті, батыл жан — шынымен таңғалдырды.

Қазір мен басқаратын жастар кеңесінде шамамен жартысы — қыздар. Олар мұнда саналы түрде келеді: болашағын көреді, әлеуметтік желідегі әңгімелерді оқиды да шешім қабылдайды. Кейін мамандыққа ғашық болып кетеді.

Әрине, «ауыр» жұмыстарда қыздар аз. Бірақ олар зертханаларда, техникалық бақылауда мансап құрып жүр. Тіпті шеберге немесе цех бастығына дейін көтерілгендері бар. Ал зауыттағы білімдерін офисте — бюджеттеу мен сатып алуда — да жоғары бағалайды.

Басшылық әрқашан ескертіп отырады: қыздарды бағалау, қолдау және қорғау керек.

Қыздар өндірісте

Күшті, күрескер
әйел!

Қыздарды бағалап, көмектесіп, қорғау керек!

Отбасылар туралы

Біздің бас компания — Қазхромда жиі жұптар құрылады. Корпоративтік өміріміз қызыққа толы: түрлі жарыстар, байқаулар өткіземіз, осылайша таныстықтар пайда болады. Үш жылда төрт-бес жастың шаңырақ көтергенін өз көзіммен көрдім.

Кейде қызды жанкүйерлер тобына шақырасың — ал біраз уақыттан соң олардың үйлену тойына шақырту келеді. Жастар кеңесі де адамдарды біріктіреді.
Менің жолым

Өз жолымды нөлден бастап, нағыз кәсіби маманға дейін жеткізгім келеді. Зауыт маған көп нәрсе үйретті, осы жерде есейдім. Өмірім мен болашағым үшін жауапкершілік өз қолымда екенін түсіндім.

Кетуді ойламаймын. Бір күні бизнеске кіріссем де, оны зауыттағы жұмыспен қатар алып жүруге болады. Мен сенімдімін: зауыт мені алдамайды, ал мен зауытты алдамаймын.

Өзін іздегендерге кеңес

“

Мен жиі жастар алдында — ЖОО мен колледждерде сөйлеймін. Зауыт туралы презентация, бейнематериалдар көрсетемін. Бірақ студенттердің көзінде от жоқ екенін байқаймын. Олар блогерлерге, фотографтарға көбірек қызығады, сол мәңгі деп ойлайды.

Ал мен әрқашан айтамын: болашақ — зауыттағы байсалды еңбекте. Зауыт жас мамандарды күтеді. Мұнда көтерме ақы бар — дерлік жалақы сияқты. Үздіктерге «Жас маман» төсбелгісі беріледі — бұл шеберлікке апаратын жол. Оқыту, шеберді алмастыру, әрі қарай өсу мүмкіндігі бар.

Көпшілігі жастарға берілетін артықшылықтарды білмейді: спорт, волонтерлік, компанияның қолдауы. Ал бұл — мұнда жұмыс істеуге үлкен мотивация.

Александр Ольтов, Ферроқорытпа балқытушысы, №2 балқыту цехы

Әзірлеуші abi-nur.com