Инженер-жобалаушы, Құрылыс тобы, Жобалау-конструкторлық бөлім, Өскемен металлургиялық алаңы, «Казцинк»

Бала кезімнен ата-анам мені дәрігер етуді армандайтын. Ал мен ше? Әсте жоқ! Әрқашан шығармашылыққа жақын едім — сурет салуды, бірдеңе құрастыруды, ойлап табуды жақсы көрдім. Маған емдеуден гөрі — жасау, құру қажет болатын.

10-сыныпта техникалық бағытты таңдадым, 2014 жылы Қарағанды мемлекеттік техникалық университетіне түстім. Бірінші курста бізді «сурет геометриясы» қатты баурап алды. Қағазға түн ортасына дейін сызба салып отыра беретінмін — нағыз рахат! Кейін AutoCAD шықты — тіпті жеңілдеп кетті: сызық, өшір, түзет — дайын.

Бакалавриатты бітірерде бос орындар жәрмеңкесінде конструктор-инженерлерге ұсыныс кездестірдім. «Бұл — менің мүмкіндігім» деп ойладым. Әңгімелесуге бардым да, алғашқы жұмысымды алдым. Қатарынан магистратураға да түстім.

Ең керемет сәт — өз сызбаңды цехта 1:1 масштабта тірі күйінде көру. Әуелі қағаздағы сурет қана, ал біраз уақыттан кейін — дайын бөлшек. Ол мақтаныш сезімін ұмыту мүмкін емес.

2020 жылы туған қалам Өскеменге оралып, «Казцинкке» инженер-жобалаушы болып орналастым. Бірден Жастар кеңесіне қосылдым — бұл менің екінші үйім сияқты болды.

Біз бірге корпоративтік шаралар ұйымдастырамыз, волонтёрлікпен айналысамыз: балалар үйлеріне, қарттар үйіне, ардагерлерге көмектесеміз. Мұнда өзін дамытуға және өзгеге көмектесуге дайын адамдар жиналған. Көпшілігімен жұмыстан тыс та араласамы.

Жаңа команда және достар

«Казцинкта» жастарды бағалайды. Кез келген идея — іске асады. Кез келген адаммен — директордан бастап жұмысшыға дейін — еркін сөйлесуге болады. Ұжым — өте тату, әрқашан бағыт-бағдар береді, жаңадан келгенді қолдайды.

Зауытта жас болу қандай?

✔ Техникалық мамандық — бұл үнемі оқу деген сөз: жаңа бағдарламалар, стандарттар, тәсілдер. Әр жоба — жаңа челлендж сияқты. Бүгін бір цехқа жұмыс істесең, ертең басқа цехқа көмектесесің — әр жерде өз ерекшелігі бар;

✔ Рационализаторлық ұсыныстар да бар: пайдалы ой тауып әкелсең — сені міндетті түрде қолдайды. Карьера да ашық: көп жігіттер шебер, аға шебер болып өсіп жатыр. Ең бастысы — тоқтап қалмау.

Қалай өсуге және дамуға болады?

Қызықсыз ба? Бізде олай емес! Конкурстар, корпоративтер, Металлург күніне шетелдік әртістердің концерті, турсапарлар (мысалы, Абайдың 180 жылдығына орай Семейге). Компания қуанту жағынан шебер.

Жарыстар

Концерттер

Сапарлар...

Корпоративтік оқиғалар

Жұмыстан тыс өмір

Жеке өмір жұмыста

Көптеген жұптар осында танысқан. Тіпті корпоративтік газетте «Бізді таныстырған – “Казцинк”» деген айдар бар. Онда зауытта басталған махаббат тарихтары жазылады.
Қызметкерлерге арналған «бонустар»

Әлеуметтік пакет керемет: арнайы киім, жеке қорғаныс құралдары (СИЗ), заманауи жұмыс орны (маған бірден жаңа қуатты компьютер берді), шипажайлар мен демалыс базаларына жеңілдіктер, спортзал, бассейн. Кәсіподақ қиын жағдайда да көмектеседі.
Өндірістегі қыздар

Иә, сырттай қарағанда «ерлердің жұмысы» сияқты. Бірақ техника қауіпсіздігін сақтасаң — бәрі жақсы. Ең бастысы — өзіңді тыңдау. Мен өндірісті таңдадым, ешқашан өкінген емеспін.

Өндіріске бару керек пе?

Әрине иә!

Фотосурет

Бейне

Мәтіндер жазу

Әрине, иә! Мұнда өзіңді көрсетуге, дағдыларыңды дамытуға, тіпті хоббиіңді іске асыруға болады — фото, видео немесе мәтін жазу болсын. Жастар кеңесі мүмкіндікке толы.

Мен тіпті 11-сыныпта оқып жүрген ініме де «Казцинкке бар» деп кеңес беремін.

Немен мақтанамын

“

Өзім жақсы көретін іспен айналысып, дамып жатқаныма, айналамда ойы бірдей адамдардың болғанына ризамын. Анамның менімен мақтанатыны — ең қымбат нәрсе.

Анарa Бугубаева, Инженер-жобалаушы

Әзірлеуші abi-nur.com