Гайд: Қалай тәлімгер табуға және өсу мүмкіндігін жіберіп алмауға боладЫ

Тәлімгер не береді?

1. Жылдам бейімделу – аз уақыт адасасың, көбірек істің мәніне кіресің

2. Кәсіп құпиялары – оқулықтарда жазылмаған лайфхактар

3. Корпоративті әлемдегі навигация – кімнің кім екенін, кіммен дос болу керек, ал кімді айналып өткен жөн екенін түсіндіреді

4. Мотивация – қасыңда саған сенетін (қажет болса түртетін) адам болғанда, алға жүру оңайырақ

Елестетіп көрші: сен зауытқа, офиске немесе цехқа кірдің. Айналаңда – күрделі станоктар, бітпейтін ережелер, аты-жөніңнен де ұзын қысқартулар.

Сол сәтте тәлімгер пайда бола қалады, бұл жолдан жүз рет өткен, барлық кедергіні білетін, саған қалай аман қалуды (тіпті мықты маман болуды) үйрете алатын адам.

Қалай тәлімгер табуға болады?

Айналаңа қара.
Тәлімгерлер жиі қасыңда жүреді: тәжірибелі әріптестер, инженерлер, учаске шеберлері

HR-ға хабарлас.
Көптеген кәсіпорындарда тәлімгерді ресми түрде бекітеді – сұрап көр, саған кім көмектесе алады

“Бейресмиді” тап.
Кейде ең мықты тәлімгер – бұйрықпен тағайындалған емес, шынымен білетін және бөлісуге дайын адам

Сұраудан қорықпа.
«Мен сізден үйренсем бола ма?» деген сөз ойлағаннан да жақсы жұмыс істейді

Бұл Tinder емес, бірақ принциптері ұқсас: ең бастысы – вайбың мен мақсатың сәйкес келуі.

Қалай барынша пайда алуға болады?

Тәлімгер – Google емес, анаң да емес, психолог та емес (кейде сәл психолог болып тұруы да мүмкін). Сондықтан бастысы – өзіңнің белсенділігің

Мақсат қой. Нені білгің келеді? Мысалы: «Автоматиканы түсіну», «Ауысым журналы жүргізуді үйрену», «Бригадамен қалай сөйлесуді меңгеру».

Сұрақ қой. Тіпті «түкке тұрғысыз» көрінсе де. Спойлер: ең ақымақтық – мүлде сұрамау.

Тыңда. Кейде тәлімгердің бір-ақ сөйлемінде 20 жылдық тәжірибе жатады.

Істе. Тәлімгер бағыт көрсетеді, бірақ жүгіру өзіңе тура келеді.

Тәлімгерді «24/7 тегін көмек сервисі» деп қабылдама

Жаңадан келгендердің қателіктері:

Әр сөзіне қарсы шықпа («Ал бізде универде басқаша айтқан!»)

Кері байланысты елеме. Егер тәлімгер «түзет» десе – түзету керек, философия жасаудың қажеті жоқ

«Жоғалып кетпе». Егер үнемі бос емессің, кешігесің немесе «ұмытып кеттім» десең – тәлімгер қызығушылығын тез жоғалтады

Тәлімгермен не істемеу керек

Өзің қалай уақыт өте келе тәлімгер бола аласың?

Бір сәтте сен «жаңа келген» емес, керісінше саған кеңес сұрап келетін адамға айналасың.
Міне, осы кезде жаңа деңгей басталады: сенің өзің тәлімгерге айналатын кезің

Тәжірибеңді бөліс, ол саған қарапайым көрінсе де

Алғашқы күні қалай абдырап тұрғаныңды есіңе ал – басқаларға бұл жолды тезірек өтуге көмектес

Тәлімгерлік = тек үйрету емес, сонымен бірге жастардан да үйрену (иә-иә, TikTok трендтері де кейде пайдаға жарайды)

Қорытындыласақ:

“

Тәлімгер – сенің карьерадағы “чит-кодың”. Ол жұмысты сен үшін істемейді, бірақ жолды аз шығынмен өтуге көмектеседі.

Сондықтан уақыт жоғалтпа: өз тәлімгеріңді тап, сақ жүр, ал уақыт өте келе сен туралы да басқа адамдар былай десін: «Мынау нағыз профи, мен одан бәрін үйрендім».

Әзірлеуші abi-nur.com